Quero Ser. ASPANAS.

ASPANAS é unha Asociación de Pais de Persoas con Discapacidade Intelectual que traballa pola mellora da calidade de vida e a integración social e laboral deste colectivo.

ASPANAS a través da sua empresa ASPANAS TERMAL S.L.U. pon en marcha “Quero Ser” coa finalidade de acadar a inserción sociolaboral de persoas con discapacidade intelectual. ASPANAS TERMAL S.L.U. conta para esta iniciativa coa colaboración doutra empresa da entidade: AMENCER RECICLADO, que se adica á recollida selectiva de materiais de refugallo, imprescindibles para a elaboración dos productos “Quero Ser”.

Un dos aspectos máis relevantes deste proxecto é o impacto social e medioambiental que ten o mesmo na sociedade, xa que se implica á mesma no proceso de creación a traves da aportación da materia prima en primeira instancia, a través da formación e contratación de persoas con discapacidade intelectual, e por último no resultado de todo o proceso: a adquisición de bolsos e complementos exclusivos que dispoñen ademais dunha carga medioambiental e social positiva moi importante.

Os productos “Quero ser” son feitos a man por persoas con discapacidade intelectual, empregando materiais reciclados: tiras de papel de xornais, de panfletos de publicidade ou cartelería, e roupa reutilizada.

Combinando as técnicas tradicionais de cestaría que formaron parte da sabiduría popular e dun estilo de vida pero innovando a través do emprego de materiais reciclados xurde a idea do Quero “Ser”.

Venta  de productos "Quero Ser":  http://queroser.aspanas.com/index

Adega Condes de Albarei. Reinserción sociolaboral.

Nas celebracións do Día do Cooperativismo Galego, que o Consello Galego de Cooperativas organizou no Pazo de Baión, o líder do goberno autonómico foi o encargado de entrega-lo premio concedido ó mellor proxecto cooperativo á Adega Condes de Albarei.

Valorouse o incremento do compromiso sociolaboral adquirido por Condes de Albarei ó facer seu un símbolo da loita contra a droga e facer posible un proxecto que está axudando á reinserción sociolaboral de ex toxicómanos que se atopan en proceso de rehabilitación, ós que a adega destina un mínimo de 400 xornadas de trabajo ó ano.

O caso da bodega cambadesa traduciuse nun proxecto que aporta ademáis un mínimo equivalente ó 5% da facturación anual do Albariño Pazo Baión a programas sociais de atención a drogodependentes.

O presidente da Adega Condes de Albarei, Guillermo Rodríguez, agradeceu o recoñecemento otorgado polo Consello Galego de Cooperativas ó escoller o Pazo de Baión coma escenario para a entrega dos premios, e expresou o seu orgullo pola marcha do proxecto iniciado. 

Integración xitana. Concello de Quiroga

A conselleira de Traballo e Benestar, Beatriz Mato, gabou o labor de inclusión que se está a desenvolver no concello lucense de Quiroga coas persoas da etnia xitana.

Así o manifestou a titular da Administración sociolaboral galega, durante unha visita a esta localidade, onde foi recibida polo alcalde, Julio Álvarez. Mato aproveitou para achegarse ó barrio de Touceda e coñecer en persoa os resultados da iniciativa que están a realizar o Executivo autonómico e a entidade local.

O equipo comarcal especializado en integración social de Monforte de Lemos está a traballar con 15 persoas deste colectivo na definición dun itinerario individualizado de inserción e no acompañamento das accións deseñadas.

O obxectivo desta iniciativa é lograr a súa vinculación en accións como a busca activa de emprego; alfabetización; formación ocupacional; capacitación en habilidades persoais e seguimento individualizado de todo o proceso.

Orientación, formación e emprego. Concello de Ribadeo

Desenvolvemento local do Concello de Ribadeo dispón dun servizo de orientación e inserción laboral dirixido tanto a persoas desempregadas como a aquelas outras que desexen mellorar a súa situación laboral.

Deste xeito, reciben información sobre as posibilidades e os recursos existentes no territorio para a busca de emprego e para a a súa posterior inserción sociolaboral, ao tempo que coñecen as opcións formativas (cursos, xornadas, seminarios...) ás que poden ter acceso.

A súa oferta en canto a orientación, formación e emprego organízase arredor dos seguintes servizos:

Bolsa de emprego

É un servizo dirixido tanto ás persoas que buscan emprego como ás empresas. Con esta ferramenta ponse en funcionamento unha canle de busca de traballo na que os/as profesionais de Desenvolvemento local de Ribadeo funcionan como mediadores/as entre a oferta e a demanda detectadas no territorio.

Programas de emprego

En cooperación coa Dirección Xeral de Traballo da Xunta de Galicia, o Concello de Ribadeo pon en marcha, anualmente, programas de emprego en diferentes actividades de utilidade social a través da oferta de postos de traballo temporais para a realización de obras e servizo no eido da actuación municipal. A condición para poder acceder a estes programas é ser desempregado/a e estar inscrito/a no Servizo Público de Emprego de Galicia.

Talleres de emprego

Os talleres de emprego constitúen un programa mixto de formación e emprego dirixido a mellorar a cualificación profesional das persoas desempregadas maiores de 25 anos. Lévanse a cabo mediante a realización de obras ou a prestación de servizos de utilidade pública e interese social.

"Imos Traballar". Concello de Vigo

O proxecto "IMOS traballar", elaborado pola Concellaría de Promoción Económica, Emprego e Participación Ciudá, está cofinanciado polo Ministerio de Administracións Públicas, o Fondo Social Europeo e Concello de Vigo.

"IMOS traballar" ten coma finalidade aumenta-la tasa de emprego municipal, prestando maior atención ós colectivos con maiores dificultades pra atopar un emprego estable e de calidade: os colectivos con risco de exclusión social.

Neste proxecto unifícanse:

a) O Pacto Local polo Emprego.

b) Os Itinerarios Integrados de Inserción Sociolaboral.

A) Pacto Local polo Emprego

O pacto integrano entidades sindicais (UXT, CC.OO, CIG) e empresariais (CEP, APE e AJE). Pretende alcanzar, mediante a redacción e sinatura dun documento consensuado por todos eles:

Un medio que movilice os recursos locais pra a creación de emprego.

Un instrumento pra identifica-las actividades susceptibeis de crear novos empregos no entorno local.

Unhas ferramentas necesarias pra planifica-la política de emprego de Vigo.

Unos criterios de evaluación que establezan un proceso continuo de desenrolo da política local de emprego.

Por medio de:

Analisise das necesidades e determinación de estratexias.

A elaboración das perspectivas locales de emprego a través da participación cidadá.

A identificación dos novos xacimentos de emprego.

A planificación consensual das acciones pra o emprego.

B) Itinerarios Integrados de Inserción Sociolaboral

Son unha oportunidade de formación que permiten mellora-las competencias profesionais.

Están dirixidas especialmente ós colectivos que, en Vigo, se atopen com maiores dificultades de inserción laboral e con risco de exclusión social.

Contan co acompañamiento persoal e especial ó longo de todo o proceso: formación, prácticas e búsqueda de emprego na inserción laboral.

Son accións formativas gratuitas, nas que ademáis contémplase a posibilidade de obter bolsas ou axudas.

Oferta formativa do proxecto

Atención sociosanitaria a persoas no seu domicilio.

Coidado de persoas discapacitadas físicas e psíquicas.

Animación de persoas maiores.

Especialista en atención domiciliaria infantil.

Tríptico informativo: consulte neste documento a información sobre os cursos: entidades que o imparten, número de horas, etc.

Ademáis, como apoio a todo o proceso, "IMOS traballar" conta con novedosos medios basados nas novas tecnoloxías, coma:

Aulas virtuales en PDA.

Portal web: aporta servicios e centraliza a meriande parte das actividades do proxecto.

Proximitas Plus. Concello de Aranda

O proxecto desenvolve actividades dirixidas á mellora da ocupabilidade dos colectivos demandantes de emprego, a través de itinerarios de inserción sociolaboral. As accións ofrecen ás persoas en situación de desemprego unha oportunidade de práctica laboral acompañada da formación axeitada, con titorías individualizadas, acompañamento e orientación laboral ao longo de todo o proceso para lograr a inserción laboral.

 Liñas de acción do proxecto:

-Observatorio socioeconómico, de servizos de proximidade e económica social.

-Selección de beneficiarios/as -Itinerario integral de formación.
-Asesoramento a desempregados/as.

Organizado pola Deputación da Coruña coa colaboración do Ministerio de Administracións Públicas e o Fondo Social Europeo. Participan concellos da Provincia da Coruña que teñan menos de 50.000 habitantes.

Programa de inserción sociolaboral para mulleres vítimas de violencia de xénero. Ordes

O concello de Ordes ten un Programa de inserción sociolaboral pra mulleres vítimas de violencia de xénero, inscritas como demandantes de emprego, e inclúe un conxunto de medidas de políticas activas de emprego dirixidas a este colectivo e a regulación das mesmas.

As medidas de actuación do Programa que se contemplan no real decreto regulador deste programa son as seguintes:

1.       Itinerario de inserción sociolaboral, individualizado e realizado por persoal especializado.

2.       Programa formativo específico para favorecer a inserción sociolaboral por conta allea, no que se traballe en aspectos persoais no seu caso, levando a cabo actuacións dirixidas a incrementar a autoestima e motivación para o emprego, e en aspectos profesionais das mulleres participantes no programa.

3.       Incentivos para favorecer o inicio dunha nova actividade por conta propia.

4.       Incentivos para as empresas que contraten a vítimas de violencia de xénero.

5.       Incentivos para facilitar a mobilidade xeográfica.

6.       Incentivos para compensar diferenzas salariais.

7.       Convenios con empresas para facilitar a contratación de mulleres vítimas de violencia de xénero e a súa mobilidade xeográfica.

Compostela Integra

A web Compostela Integra, aglutina o traballo desenrolado polo departamento de Benestar do Concello de Santiago de Compostela e varias entidades sociais de Santiago que traballan con colectivos de difícil inserción sociolaboral. A pretensión é que esta páxina coordine os esforzos de todos e permita así sacar un mellor rendemento ós recursos. A páxina terá dúas partes: unha intranet, á que só terán acceso as entidades sociais e que lles servirá pra estar comunicados entre sí e pra intercambiar experiencias e opinións. A outra parte, aberta ó público en xeral, servirá pra que os compostelanos teñan información sobre os programas postos en marcha polas asociacións e polo departamento municipal de Benestar Social. Ó menos por agora, os programas que xa están en marcha do departamento de Promoción Económica e Emprego dirixidos específicamente pra colectivos de difícil inserción (parados de larga duración, mulleres ou membros de colectivos en risco de exclusión) non estarán incluidos en Compostela Integra, ainda que en algúns casos atópase coa colaboración de algunhas das entidades que sí informarán da sús planificación na nova web.

O obxectivo está dirixido a «mellorar a coordinación entre as entidades participantes», que forman xa a Rede de Inserción Sociolaboral. Esta rede é, polo momento, a única que está constituida na web, pero esperase que pouco a pouco vaian creandose novas redes sociais pra intercambiar experiencias e traballos.

A Rede de Inserción Sociolaboral está formada por: o equipo de inclusión sociolaboral, Unidade Técnica de Migracións e Inmigracións e Unidade Municipal de Atención a Drogodependientes (do departamento de Benestar Social); asimesmo, están integradas Cáritas, Cogami, Cruz Vermella, Down Compostela, as federaciones de Persoas con discapacidade intelectual de Galicia, de Persoas Xordas de Galicia, Persoas con enfermidade mental; a asociación pra o Emprego e a Formación de Persoas con Discapacidade; Fundación Secretariado Xitano; Instituto Galego de Xestión para o Terceiro Sector, Plataforma polo Emprego e Asistencia e Investigación dos trastornos da personalidade.

Programa Equal. Coruña

Equal "Coruña Solidaria" é un proxecto de integración sociolaboral, liderado polo Concello de A Coruña e subvencionado polo Fondo Social Europeo. Impulsa a creación dunha rede de entidades denominada Agrupación de Desenrolo (A.D.) e que está constituida por:

• Concello de A Coruña
• Concello de Cerdeda
• Concello de Carballo
• Universidade da Coruña
• Unión General de Trabajadores
• Comisiones Obreras
• Cruz Roja
• Cáritas
• ACLAD
• Paideia
• Fundación Mujeres
• Caixa Galicia
• La Voz de Galicia
• Confederación de Empresarios de  Coruña

Con este programa vanse desenrolar itinerarios personalizados de inserción socio-laboral destinados a persoas que presenten especiales dificultades pra atopar e manter un emprego, facendo especial hincapé nas políticas de igualdade de oportunidades

Presentación da área de acción profesional

A Área de Acción Profesional do CEESG (Colexio de Educadoras e Educadores Sociais de Galicia) é a encargada de:

• Promover e difundir o coñecemento social da profesión de Educador/a Social.
• Velar polo exercicio profesional, promovendo as boas prácticas socioeducativas.
• Supervisar a incorporación da figura do educador/a social nas labores profesionais referidas á intervención socioeducativa.

Para elo, estuda e analiza os espazos e ámbitos de traballo e proxección profesional da Educación Social, así como a súa situación laboral, e permanece vixiante a todos aqueles postos de traballo ofertados tanto polas administracióna públicas (Xunta de Galicia, deputacións, concellos, etc.), como pola iniciativa privada e o terceiro sector. Abrindo canles de colaboración e/ou propoñendo os cambios precisos cando así se considera.

Centro municipal de formación. Concello de Vedra.

O proxecto pra o antigo edificio da estación de ferrocarril de Santa Cruz de Ribadulla veu a fin da luz, casi catro anos despois de porse em marcha a iniciativa. Despois de levarse a cabo a completa rehabilitación do inmoble (con cargo ó primer Plan Estatal), o concello abriu as portas do que será o centro municipal de formación.

A inauguración do mesmo produciuse o 17 de setembro de 2010. Entre os motivos que levaron ó goberno local a crear este centro, atópase a importancia fundamental da inserción laboral da poboación en xeral, especialmente dos máis xoves, e aínda maís tendo en conta a situación de crise na que nos atopamos.

Así, este novo centro ofrece, entre outros servizos, un observatorio socioeconómico, o acompañamento sociolaboral, asesoramento pra a creación de empresas, así coma diversos cursos de formación.

Inclusión sociolaboral en Ferrol

Co obxectivo de promovela inclusión de colectivos en situación de desvantaxe ou risco de exclusión e a conseguinte intervención social no Concello de Ferrol, a través de Benestar Social, pon en marcha un dispositivo de inclusión socio-laboral despois de que a Xunta de Galicia suprimira o Plan de Inclusión, que atendía a 500 persoas. A iniciativa nace da necesidade de dar continuidade a un traballo feito durante anos nesta concellaría e de cara a alcanzar unha sociedade máis cohesionada e igualitaria. Levarase a cabo cos fondos propios do consistorio coma un recurso de apoio á reinserción sociolaboral de aquelas persoas procedentes de Atención Primaria (Unidades básicas de Traballo Social), aínda que tamén poderase derivar en menor medida casos dende as asociacións. O novo servicio, que baseará a súa actuación en itinerarios personalizados, está coordinado por unha diplomada em Relación Laborais e unha licenciada em  Psicoloxía. Unha vez feito a diagnose social e profesional de cada caso, actuarase sobre as carencias dos usuarios, incluindo un conxunto de servizos, prestacións, e accións de orientación, formación e emprego.

O programa concentrase en catro fases: Acollida, que supón o primeiro contacto do usuario coa traballadora social de Atención Primaria; Diágnose e valoración, que determinará a participación ou non no proxecto; plan de intervención e seguimento e valoración dos casos. Os itinerarios de inserción abarcarán os campos social, prelaboral e laboral e para a súa posta em marcha precisarase da coordinación conxunta do tecido asociativo e empresarial da cidade.   

Colaboración de política sociolaboral entre o Concello de Lugo e a Xunta.

O Alcalde de Lugo, José López Orozco, asinou a mediados do 2010 un convenio co Secretario Xeral de Emigración da Xunta, José Santiago Camba Bouzas, para poñer en marcha un programa de información, orientación e inserción sociolaboral de inmigrantes residentes na cidade de Lugo.

Trala firma do convenio, o Alcalde explicou que o Concello ten en marcha distintos programas para a integración dos inmigrantes como “a participación sobre todo de persoas de América do Sur nos cursos que imparte o CEI (centro de empresas e investigación), tamén hai cursos de lingua para extranxeiros, ou axudas para aluguer de vivendas”. López Orozco tamén destacou o fenómeno que supón “o campo de beisbol, que é un espazo para a integración, fundamentalmente dos xóvenes”.

O Secretario Xeral de Emigración indicou que Lugo acolle a máis de 5.000 inmigrantes extracomunitarios e no conxunto de Galicia hai 106.000. Camba Bouzas declarou que Galicia foi terra de emigrantes e “de ben nacidos é ser agradecidos”. Ademáis o Secretario Xeral de Emigración dixo que o convenio asinado hoxe “mostra a colaboración existente entre a Administración galega e os grandes Concellos”

O Programa que se financia con este acordo consistirá no funcionamiento dunha unidade de información, orientación e asesoramento xurídico e socio-laboral por parte do Concello.

Segundo establece o convenio, esa oficina dará información ás persoas inmigrantes sobre a súa situación xurídica e tramites administrativos como permisos de residencia, traballos, visados ou agrupamento familiar. Tamén facilitará información acerca dos programas formativos e de orientación e inserción laboral e promoverá a incorporación dos inmigrantes ás redes sociais e á vida comunitaria.

O orzamento previsto é de 52.500 euros, dos que a Secretaría Xeral da Emigración aportará 35.000 e o Concello fará unha achega de 17.500. Concello fará unha achega de 17.500.

Convenio do proxecto "Auria Inserta". Concello de Ourense

O Salón de Plenos do Concello de Ourense acolleu o día 28 de Xaneiro a sinatura de convenios entre o Concello de Ourense e dez empresas ourensás, que acollerán a alumnos participantes no proxecto Auria Inserta, dependente da Concellería de Economía, Facenda, Promoción Económica e Emprego.

As sinaturas permitirán a realización de prácticas non laborais dun total de 14 alumnos participantes no curso de Montaxe e Mantemento de Instalacións Solares Fotovoltaicas, trala súa formación teórica no último trimestre do ano 2010. Os participantes contan, paralelamente, co apoio do persoal do proxecto en titorías inidividuais, que lles axudan a mellorar a súa empregabilidade.

Dende a súa posta en marcha en 2008, o proxecto Auria Inserta formou a un total de 150 persoas, maioritariamente mulleres con cargas familiares, desempregadas de longa duración, que non contaban con ningún tipo de prestación económica, rematando un total de 100 persoas os diferentes itinerarios formativos. A porcentaxe de inserción dos alumnos que remataron os itinerarios ascende a un 60%, destacando o nivel de inserción dos cursos de atención sociosanitaria, cun porcentaxe de 75%.

Proxecto "Auria Inserta". Ourense

Auria Inserta é un proxecto de inserción sciolaboral que depende da consellería de Economía, Facenda, Emprego e Promoción Económica do do Concello de Ourense co-financiado polo fondo Social Europeo, a través da convocatoria 2007 de subvención Global, co fin de contribuir á xeración de emprego em concellos de máis de 50.000 habitantes.

O proxecto pretende impulsar a actividade económica, logra-lo incremento da tasa global de actividade e fomenta-la creación de emprego estable e de calidade no municipio de Ourense. Ten coma obxectivo prioritario articular um sistema de integración sociolaboral que permita favorecer o acceso a um posto de traballo ás persoas pertencentes ós colectivos máis vulnerabeis e com maiores dificultades de inserción ou reinserción laboral dentro do Concello de Ourense, a través dum proceso de formación especializada.

Crítica a um dos contidos em clase

Aproveito o blog non so para comentar políticas sociolaborais em xeral; de este modo gustaríame analizar unha das proxeccións de powerpoint vistas na clase o mércores 9 de Febreiro, que falaba da “Caracterización de los derechos sociales”, no que clasificábanse ós mesmos da seguinte maneira:

“PRIMERA GENERACION: CIVILES, POLÍTICOS, LIBERTAD

SEGUNDA GENERACIÓN: SATISFACER NECESIDADES  BÁSICAS  (DERECHOS SOCIALES)

TERCERA GENERACIÓN: SOLIDARIDAD (PAZ,  MEDIOAMBIENTE,  DESARROLLO)”

Eu botaría por baixo toda esta clasificación, que tenta dar niveis de maior ou menor importancia a dereitos cardinais, e simplificaría todos nun deles, a solidariedade, do cal, se todos fosemos solidarios-empáticos cos demais, o resto dos dereitos virían da man. Na miña opinión, em lugar de darlle á solidariedade una medalla de bronce daríalle una d’ouro coma cabalo gañador.

C.I.M. em TEO

Nesta primeira entrada falaremos dun dos servizos que ofrece o concello de Teo (situado na comarca de Santiago). 

O CIM (Centro de Información ás Mulleres) é um servizo municipal destinado ás mulleres de Teo polo cal, a través do oficio dunha psicóloga e unha avogada, ofrecen charlas sobre igualdade, creación e apoio ás asociacións de mulleres, información e xestión sobre os recursos sociais existentes para as mulleres, entre outras cousas.

Máis concretamente, a atención psicolóxica, por exemplo, destínase a orientar e apoiar ás mulleres na resolución de conflictos e toma de decisións, ofrecendo opcións pra fortalecer as inquietudes persoais, así como atender persoalmente ás vítimas da violencia de xénero. Por outra banda, a atención xurídica destínase á información sobre os dereitos das mulleres em actuacións civís (separacións, divorcios...), penais (agresións, acoso...), laborais (maternidade, redución de xornada...); así como á tramitación e solicitude de xustiza gratuíta, entre outros aspectos.

Estes servizos ofrecidos no CIM son gratuítos, individualizados e confidenciais, e dispoñen dos seguintes horarios de atención ó público: de luns a venres de 9:00 a 14:00 horas (atención psicolóxica: martes e xoves; asesoría xurídica: luns e mércores).